شمالی وزیرستان میں لڑکیوں کے دو اسکولوں کو بموں سے اڑا دیا گیا

پشاور(امت نیوز) شمالی وزیرستان میں نامعلوم شرپسندوں کی جانب سے لڑکیوں کے دو اسکولوں کو بموں سے اڑا دیا گیا۔ پولیس کے مطابق رات گئے نامعلوم افراد نے گاؤں موسکی اور گاؤں حسوخیل میں گورنمنٹ گرلز مڈل اسکولوں کو بموں سے تباہ کردیا۔ پولیس جائے وقوعہ پہنچ کر تحقیقات شروع کردی۔

حکام کے مطابق دونوں تباہ شدہ اسکول گاؤں حسوخیل میں گورنمنٹ گرلز اسکول حافظ اباد اور گاؤں موسکی میں گورنمنٹ گرلز اسکول ڈاکٹر نور جنت گل کے نام سے پہچانے جاتے ہیں۔ ضلعی حکام کے مطابق دونوں واقعات میں کسی جانی نقصان کی اطلاع نہیں ملی۔