انسداد دہشتگردی عدالت نے پی ٹی آئی کے 33 کارکنوں کو جیل بھیج دیا

لاہور(امت نیوز) انسداد دہشت گردی کی عدالت نے سرور روڈ پولیس کو 9 مئی کے احتجاج کے دوران جناح ہاؤس پر حملوں اور شیر پاؤ پل کو بلاک کرنے کے مقدمات میں پاکستان تحریک انصاف (پی ٹی آئی) کے 33 کارکنوں کو شناخت پریڈ کے لیے جیل منتقل کرنے کی اجازت دے دی۔پولیس نے ملزمان کو عدالت میں پیش کیا اور شناخت پریڈ کے لیے انہیں جیل منتقل کرنے کے لیے جوڈیشل ریمانڈ کی استدعا کی۔