کراچی : کورنگی میں مردہ مرغیوں کی فروخت کا انکشاف

کراچی (اسٹاف رپورٹر)کورنگی میں ہوٹلوں اور مارٹ میں سپلائی کی جانے مردہ مرغیوں کی دو سوزوکیاں پولیس نے پکڑ لی اور تین افرادکو گرفتار کرلیا جو کہ ٹھٹہ سے خرید کر لارہے تھے۔

تفصیلات کے مطابق عوامی کالونی پولیس نے کورنگی کے علاقے 4 نمبر اسٹاپ پر دوران گشت دو سوزوکیوں کو روک کر تلاشی لی تو اس میں مردو مرغیاں برآمد ہوئی ، پولیس نے تین افراد کو حراست میں لیکر تھانے منتقل کردیا ،پولیس حکام کے مطابق برآمد کی جانے والی مردو مرغیوں کی تعداد ایک ہزار سے زائد ہے۔

گرفتار ملزمان حسنین اسلم، جاوید اور فاروق نے ابتدائی تفتیش کے دوران انکشاف کیا کہ وہ عرصہ دراز سے ٹھٹھہ کے مختلف پولٹری فارمز سے مردہ مرغیاں کم قیمت میں خرید کرگلشن حدید ،کورنگی اور لانڈھی کے مختلف علاقوں میں قائم ہوٹلز اور مارٹ میں فروخت کرتے ہیں، تاہم پولیس نے پولیس مقدمہ درج کرکے مزید چھان بین شروع کردی۔