خدیجہ شاہ کا اپنے کئے پر پچھتاوے کا اظہار، معافی مانگ لی

لاہور(امت نیوز) جناح ہاؤس پر حملے اور 9 مئی کے واقعات پر گرفتار فیشن ڈیزائنر خدیجہ شاہ نے اپنے کئے پر پچھتاوے کا اظہار کرتے ہوئے معافی مانگ لی۔ ایک ویڈیو پیغام میں خدیجہ شاہ نے کہا کہ تمام پاکستانیوں کی طرح میں بھی گزشتہ کچھ دنوں میں ہونے والے خصوصاً مسلح افواج کی تنصیبات اور یادگارِ شہداء کے واقعات پر افسردہ ہوں۔

Khadija Shah’s apology. pic.twitter.com/F5bhMEPihV

— Farid Ahmed (Qureshi) (@FaridQureshi_UK) May 28, 2023

ان کا کہنا تھا کہ میں خود ایک فوجی فیملی سے تعلق رکھتی ہوں اور مختلف کنٹونمنٹس میں پلی بڑھی ہوں۔ خدیجہ شاہ نے کہا کہ میں اپنے ٹوئٹس پر بھی شرمندہ ہوں جو میں نے اپنی اعلیٰ فوجی قیادت کے خلاف کئے، یہ ٹویٹس میں نے جذبات میں آکر کئے تھے جو ایک گھنٹے کے اندر ڈیلیٹ بھی کردئیے تھے۔

ان کا کہنا تھا کہ مجھے اپنے تبصروں پر پچھتاوا ہے اور میں نے ان پر معافی بھی مانگی ہے۔ انہوں نے کہا کہ میری خواہش ہے کہ پوری قوم جلد سے جلد متحد ہوجائے۔ آخر میں انہوں نے ”پاکستان زندہ باد اور“ پاکستان آرمی پائندہ باد“ کا نعرہ بھی لگایا۔

خدیجہ شاہ کی امریکہ روانگی کی تیاری۔ کیا جیلوں میں قید غریب کے بچے بھی ایسی معافی مانگ کر گھر جا سکتے ہیں؟ انکو تو فوجی عدالتوں میں لے جایا جا رہا ہے۔ اسکا مطلب عام آدمی کا قصور غریب ہونا ہے ۔ https://t.co/D30klvvfQB

— Waqass وقاص (@AWGoraya) May 28, 2023

جیل ذرائع کا کہنا ہے کہ خدیجہ شاہ دو روز سے پیٹ کی تکلیف میں مبتلا تھیں، جیل حکام نےخدیجہ شاہ کی ملاقات اور گھر سے کھانا دینے پر پابندی لگا رکھی تھی۔ فیشن ڈیزائنر کو 30 مئی تک جوڈیشل ریمانڈ پر جیل میں ہونا تھا، لیکن اب ان کا ویڈیو پیغام جاری ہوا ہے۔

سوشل میڈیا پر خبریں گردش کر رہی ہیں کہ وہ جلد ملک چھوڑنے والی ہیں۔