اسپیکر کی آڈیو لیکس تحقیقاتی کمیٹی کیخلاف درخواست سماعت کےلیے مقرر

اسلام آباد: اسپیکر قومی اسمبلی کی قائم کردہ آڈیو لیکس تحقیقاتی کمیٹی کے خلاف درخواست سماعت کےلیے مقرر کردی گئی۔

اسلام آباد ہائیکورٹ کے جسٹس بابر ستار کل درخواست پر سماعت کریں گے۔

اسلام آباد ہائی کورٹ نے درخواست اعتراضات کے ساتھ سماعت کےلیے مقرر کی ہے۔

مذکورہ درخواست سابق چیف جسٹس ثاقب نثار کے بیٹے نے دائر کی جس میں کمیٹی کی تشکیل کو کالعدم قرار دینے کی استدعا کی گئی ہے۔

درخواست گزار نے مؤقف اپنایا کہ کیس کے حتمی فیصلے تک کمیٹی کو کام کرنے سے روکا جائے۔