کوٹ ادو میں کباڑ کی دکان میں دھماکا،5 افراد جاں بحق

کوٹ ادو میں دھماکے کے نتیجے میں 5 افراد جاں بحق اور 3 زخمی ہوگئے۔

پولیس کے مطابق کوٹ ادو کے علاقے دائرہ دین پناہ میں گھر سے منسلک کباڑ کی دکان میں دھماکے کے بعد خوف و ہراس پھیل گیا۔ افسوسناک واقعہ میں 5 افراد جاں بحق اور تین زخمی ہوئے۔

اطلاع ملتے ہی پولیس اور امدادی سرگرمیاں موقع پر پہنچیں اور دھماکے میں جاں بحق اور زخمی ہونے والے افراد کو فوری اسپتال منتقل کیا۔

پولیس حکام کا کہنا ہے کہ دھماکے کی نوعیت جاننے کی کوشش کی جارہی ہے، شواہد اکٹھے کرکے واقعہ کی مکمل تحقیقات کی جائیں گی۔