شہزاد اکبرکے بھائی کی بازیابی کا کیس،سیکریٹری داخلہ ،ڈی جی رینجرز، آئی جی اسلام آباد طلب

ڈی آئی جی نے شناخت کیلئے مہلت کی استدعا کی جس پر عدالت نے ریمارکس دیے کہ اگرگاڑیاں اورافراد کا تعین ہوگیا تواس کے نتائج ہوں گے، اتنے لوگ سی ٹی ڈی اور رینجر کی وردی میں آئیں گے تو یہ باعث شرمندگی ہے ۔ کروڑوں روپے سیف سٹی پرلگ گئے لوگوں کی ذاتی ویڈیوبنا بنا کراپلوڈ کردیتے ہیں لیکن چوراورڈاکووں کونہیں پکڑتے کہاں ہیں، ڈی جی رینجرز اوروزارت دفاع سے کون آیا؟۔

جسٹس محسن اختر کیانی نے ڈی جی رینجرزکوشوکازنوٹس جاری کرنے کا عندیہ دیتے ہوئے کہاکہ اسلام آباد کے اندراتنے لوگوں نے مل کرایک بندے کواٹھایا، پولیس ،رینجراورسی ٹی ڈی کی وردی میں لوگ آکر بندہ لے گئے، اگر ان کی وردی استعمال ہورہی ہے تو وہ ذمے دار ہیں. جسٹس محسن اخترکیانی نے ریمارکس دیے کہ کیا وہ جعلی لوگ تھے،پولیس اور رینجرز کی وردی میں چوریاں ہورہی ہیں ،آپ نے پرچہ کیوں نہیں درج کیا؟۔

عدالت نے سیکرٹری داخلہ ،ڈی جی رینجرزاورآئی جی اسلام آباد کو پیر کے روز ذاتی حیثیت میں طلب کرتے ہوئے ریمارکس دیے کہ اپنی اپنی ایف آئی آر بھی لے کر آئیں، اپنے اپنے ادارے کی وردی کو انہوں نےخود بچانا ہے۔ کیس کی آئندہ سماعت پیر تک کیلیے ملتوی کردی گئی۔