چیئرمین سینیٹ صادق سنجرانی چار روزہ دورے پر روس روانہ

روس (اُمت نیوز)روسی حکومت کی خصوصی دعوت پر چیئرمین سینیٹ صادق سنجرانی روس کے دورے پر روانہ ہوگئے۔ چیئرمین سینیٹ صادق سنجرانی وفد کے ہمراہ روس کا چار روزانہ سرکاری دورہ کریں گے، وفد میں مولانا عبدالغفور حیدری، طاہر بزنجو، سینیٹر عبدالقادر اور سینیٹر دلاور خان شامل ہیں۔ دورے کے دوران چیئرمین سینیٹ صادق سنجرانی اعلیٰ روسی حکام سے ملاقاتیں کریں گے۔ خیال رہے کہ تاریخ میں پہلی بار پاکستانی چیئرمین سینیٹ روس کی پارلیمنٹ سے خطاب کریں گے۔