بلاول بھٹو نے میئر کراچی کیلئے مرتضیٰ وہاب کو پارٹی امیدوارنامزد کردیا

کراچی ( اسٹاف رپورٹر)پاکستان پیپلز پارٹی کے چیئرمین بلاول بھٹو زرداری نے میئر کراچی کےلیے مرتضیٰ وہاب کو پارٹی امیدوار نامزد کردیا۔سماجی رابطے کی ویب سائٹ پر بلاول بھٹو زرداری نے پی پی سندھ کے صدر نثار کھوڑو کی پریس کانفرنس سے متعلق کے ٹوئٹ پر پیغام جاری کردیا۔اپنے پیغام میں پی پی چیئرمین نے تمام چیئرمینز، ڈپٹی چیئرمینز، میئر، ڈپٹی میئر اور ٹاؤن امیدواروں کو نامزدگی پر مبارک باد دی۔

Congratulations to all PPP nominees for Chairman, dep chairman, mayor, dep mayor and towns. The people have expressed faith in the ppp. Now let’s go win the next round and get going with with what we do best, serving the people. A special thank you to Hyderabad & Karachi for… https://t.co/guI90tuDYB

— BilawalBhuttoZardari (@BBhuttoZardari) June 5, 2023

انہوں نے کہا کہ عوام نے پیپلز پارٹی پر اعتماد کا اظہار کیا ہے، اب ہم نے اگلے مرحلے میں بہتر کارکردگی دکھانی ہے تاکہ عوام کی بہتر خدمت کی جاسکے.بلاول بھٹو نے مزید کہا کہ خاص طور پر حیدر آباد اور کراچی کے عوام کا شکریہ، جنہوں نے پہلی بار پیپلز پارٹی پر اعتماد کا اظہار کیا۔انہوں نے امید ظاہر کی کہ کاشف شورو اور مرتضیٰ وہاب پیپلز پارٹی کے سندھ کے دو بڑے شہروں کے پہلے میئر ہوں گے لیکن آخری نہیں.