کوٹلی،زائرین کی بس کھائی میں گر گئی، 9 افراد جاں بحق

کوٹلی ( اُمت نیوز ) آزاد کشمیر کے ضلع کوٹلی میں افسوسناک ٹریفک حادثے کے نتیجے میں 9 افراد جاں بحق ہوگئے۔

تفصیلات کے مطابق نیریاں شریف عرس سے واپس گوجرانولہ جانے والی زائرین کی بس کو ناڑ ( جرائی) کے مقام پر  بس گہری کھائی میں جا گری، 9 افراد جاں بحق ، متعدد زخمی وہوگئے ہیں۔

ریسکیو ذرائع نے بتایا کہ حادثہ تیز رفتاری کے باعث موڑ کاٹتے ہوئے پیش آیا جبکہ حادثے میں جاں بحق اور زخمی ہونے والوں کا تعلق پنجاب کے ضلع گوجرانوالہ سے ہے جو نیریاں شریف میں عرس کی تقریبات کے اختتام کے بعد واپس گھروں کو جا رہے تھے۔

 

ریسکیو ذرائع نے مزید بتایا کہ حادثے کے نتیجے میں زخمی ہونے والے افراد کو طبی امداد کے لئے ڈسٹرکٹ ہیڈ کوارٹر ہسپتال ( ڈی ایچ کیو ) میر پور منتقل کر دیا گیا ہے۔