وزیراعظم دو روزہ سرکاری دورے پر آذربائیجان پہنچ گئے

آذربائیجان (اُمت نیوز)وزیراعظم شہباز شریف دو روزہ سرکاری دورے پر آذربائیجان پہنچ گئے۔ وزیراعظم کو اس دورے کی دعوت صدر الہام علیوف نے دی تھی۔

دارالحکومت باکو پہنچنے پر آذربائیجان کے نائب وزیراعظم نے وزیراعظم شہباز شریف کا استقبال کیا۔
وزارت عظمیٰ کا منصب سنبھالنے کے بعد وزیراعظم کا آذربائیجان کا یہ پہلا دورہ ہے۔
وزیراعظم کل باکو میں آذربائیجان کے قومی قائد حیدر علیوف کے مزار پر جائیں گے اور آذربائیجان کی یاد گار شہداء کا دورہ بھی کریں گے۔