میئر کراچی کے انتخاب کے بعد آرٹس کونسل روڈ میدان جنگ بن گیا

کراچی: میئر کے انتخاب پر کراچی آرٹس کونسل کے باہر  پیپلزپارٹی اور جماعت اسلامی کے کارکن آمنے سامنے آگئے۔

نجی ٹی وی چینل کے مطابق  پتھراؤ سے دونوں جماعتوں کے کارکن زخمی ہوگئے، جبکہ کئی نیوز چینلز سے تعلق رکھنے والے صحافی بھی زخمی ہوئے۔حالات کنٹرول کرنے کیلیے  پولیس اور رینجرز دونوں  موجود ہیں۔ پولیس نے کارکنوں کو منتشر کرنے کیلیے لاٹھی چارج  بھی کیا۔

پتھراؤسے آرٹس کونسل کے باہر کھڑی متعدد گاڑیوں کے شیشے ٹوٹ گئے۔ پولیس نے متعدد کارکنوں کو حراست میں لے لیا ہے۔پولیس اور رینجرز نےدونوں جماعتوں کے کارکنان کو منشتر کیا۔

واضح رہے کہ پیپلز پارٹی کے مرتضیٰ وہاب 173 ووٹ حاصل کرکے میئر کراچی منتخب ہوگئے ہیں جب کہ اس کے مقابلے میں جماعت اسلامی کے حافظ نعیم الرحمان 160 ووٹ حاصل کرسکے۔