باسکٹ بال چیمپئن شپ، پاکستان سیمی فائنل میں پہنچ گیا

مالدیپ(اُمت نیوز)5ملکی انٹرنیشنل باسکٹ بال چیمپئن شپ میں پاکستان نے بنگلہ دیش کو ناک آوٹ کر کے سیمی فائنل میں جگہ بنا لی ۔
تفصیلات کے مطابق گرین شرٹس نے آخری لیگ میچ میں بنگلہ دیش کو ناک آوٹ کر دیا ہے، پاکستان کی بنگلہ دیش کے خلاف 66-84پوائنٹس سے کامیابی حاصل کی، پاکستانی پلیرز زین الحسن خان ، عمیر جان، عبدالوہاب نےشاندار کھیل کامظاہرہ کیا ۔
زین الحسن خان، عمیر جان نے 19،19، عبد الوہاب نے 16 پوائنٹس سکور کیے ، پاکستان کی ایونٹ میں مسلسل تیسری فتح ہے،لیگ راونڈ میں گرین شرٹس نے میزبان مالدیب، بھوٹان کو بھی شکست دی تھی، پانچ ملکی ٹورنامنٹ کے سیمی فائنلز 20جون کو کھیلے جائینگے ، قومی باسکٹ بال ٹیم 7سال بعد انٹرنیشنل ایونٹ میں حصہ لے رہی ہے۔