مرتضیٰ وہاب علی الصبح صفائی کے کاموں کا جائزہ لینے نکل پڑے

کراچی:  میئر کراچی بیرسٹر مرتضیٰ وہاب نے علی الصبح شہر کے مختلف علاقوں کا دورہ کیا اور صفائی ستھرائی کے کاموں کا جائزہ لیا۔

نو منتخب میئر کراچی بیرسٹر مرتضیٰ وہاب صبح کے وقت شہر کے مختلف علاقوں کے دورے کیلیے نکل پڑے جہاں انھوں نے نہ صرف صفائی ستھرائی کے کاموں کا جائزہ لیا بلکہ سڑکوں کا بھی معائنہ کیا۔

صبح سویرے شہر کی مختلف شاہراہوں کا دورہ کیا اور صفائی کے کام کا جائزہ لیا۔ لوگوں کی صفائی کے حوالے سے شکایات ۱۱۲۸ (1128) پر درج کی جا سکتی ہے pic.twitter.com/F9GFiyGUCJ

— Murtaza Wahab Siddiqui (@murtazawahab1) June 22, 2023

اس دوران شہر کے مختلف ایریاز میں سندھ سالڈ ویسٹ کی ٹیمیں صفائی کے کاموں میں مصروف نظر آئیں۔

بیرسٹر مرتضیٰ وہاب نے میڈیا سے گفتگو میں کہا کہ مختلف مقامات پر عملہ صفائی کے کاموں میں مصروف پایا گیا۔

میئر کراچی نے عملے کو ہدایت دیتے ہوئے کہا کہ ہمیں محنت و لگن کے ساتھ شہر کی خدمت کرنی ہے، صفائی ستھرائی کے حوالے سے شکایات 1128 پر درج کروائی جا سکتی ہیں۔