پیرس : شہباز شریف نے چھتری چھین لی یا خاتون کو عزت دی،ویڈیو وائرل

جمعرات 22 جون 2023, 9:09 شام قومی

پیرس (امت نیوز) وزیراعظم شہباز شریف فرانس کے دورے پر ہیں اس دوران ان کی ایک ویڈیو سوشل میڈیا کی زینت بنی ہوئی ہے ساتھ ہی کئی سوال جنم لے رہے ہیں کہ انہوں نے چھتری چھین لی یا خاتون کوعزت دی ہے۔

ٹوئٹر پر وائرل ہونے والی نو سیکنڈ کی ویڈیو میں دیکھا جاسکتا ہے کہ شہباز شریف اپنی گاڑی سے اترے، تو ان کے استقبال کے لئے کچھ خواتین کھڑی تھیں۔

اس دوران تیز بارش ہورہی تھی کہ ایک خاتون نے شہباز شریف کو بارش سے محفوظ رکھنے لیے چھتری آگے کردی تاکہ وہ بارش میں نہ بھیگیں۔

وزیراعظم نے کچھ ہی لمحوں کے بعد خاتون کے ہاتھ سے چھتری لیکر اپنے ہاتھ میں تھام لی اور وہ خاتون دیکھتی ہی رہ گئیں اور شہباز شریف ریڈ کارپیٹ پر آگے کی جانب بڑھ گئے۔

واضح رہے کہ وزیراعظم شہباز شریف فرانس کے دورے پر پہنچے تو ان کا پیرس ائیرپورٹ پر پاکستانی سفیر، اعلیٰ فرانسیسی حکام نے استقبال کیا۔

Copyright © 2024 Ummat Digital. All Rights Reserved