مسلم لیگ نون کے شیر کی وطن واپسی اگلے ماہ فائنل

لاہور: مسلم لیگ (ن) کے سربراہ نوازشریف کی وطن واپسی آ گلے ماہ فائنل ہو گئی، شہباز شریف کیساتھ عید خلیجی ملک میں منائیں گے، دعویٰ سامنے آ گیا۔

نجی ٹی وی نے بتایا کہ سابق وزیراعظم نواز شریف کی اگلے ماہ جولائی میں وطن واپسی کا قوی امکان ہے، نوازشریف عید الاضحیٰ لندن کی بجائے سعودی عرب یا دبئی میں منائیں گے۔

نواز شریف اکیلے نہیں اپنے بھائی اور وزیراعظم شہباز شریف کے ساتھ لندن سے خلیجی ملک جائیں گے۔ وطن واپسی سے قبل نوازشریف کی خلیجی ریاست روانگی کا پلان فائنل کیا جائے گا۔

ذرائع نے دعویٰ کیا ہے کہ نوازشریف لندن سے دبئی جائیں گے، سعودی عرب جانا بھی ان کے شیڈول میں ہونے کا امکان ہے۔