ورلڈ کپ کوالیفائر میں آج مزید دو میچز کا فیصلہ ہو گا

ہرارے ( اُمت نیوز ) انٹرنیشنل کرکٹ کونسل ( آئی سی سی ) کرکٹ ورلڈ کپ کوالیفائر میں آج مزید دو میچز کا فیصلہ ہو گا۔
شیڈول کے مطابق گروپ اے کے پہلے میچ میں زمبابوے اور امریکا کی ٹیمیں ہرارے سپورٹس کلب میں آمنے سامنے ہوں گی ، جبکہ گروپ اے کا دوسرا میچ ویسٹ انڈیز اور نیدرلینڈز کے مابین تاکاشینگا سپورٹس کلب، ہائی فیلڈ، ہرارے میں کھیلا جائے گا۔
گروپ اے میں میزبان ٹیم زمبابوے پہلے تینوں میچز جیت کر سپر سکس مرحلے کے لیے کوالیفائی کر چکی ہے جبکہ امریکا نے اپنے تینوں میچز میں سے کسی میں بھی کامیابی حاصل نہیں کی۔
ویسٹ انڈیز اور نیدرلینڈز کے 4 ، 4 پوائنٹس ہیں تاہم بہتر نیٹ رن ریٹ کی بدولت نیدرلینڈز دوسرے اور ویسٹ انڈیز تیسرے نمبر پر ہے