عجمان میں 40 منزلہ رہائشی عمارت میں آگ بھڑک اٹھی

عجمان; متحدہ عرب امارات کے شہر عجمان میں واقع 40 منزلہ رہائشی عمارت میں آگ بھڑک اٹھی۔

نجی ٹی وی کے مطابق آج علی الصبح عجمان کے الرشیدیہ ڈسٹرکٹ  میں  رہائشی عمارت کے ٹاور II میں آگ لگی جس نے دیکھتے ہی دیکھتے کئی منزلوں کو لپیٹ میں لے لیا، سول ڈیفنس عملے نے اطلاع ملنے پر امدادی کارروائیوں کا آغاز کیا اور عمارت کو خالی کروا لیا۔

حکام کا کہنا تھا کہ آگ پر قابو پا لیا گیا، آتش زدگی سے کوئی ہلاکت نہیں ہوئی۔ یاد رہے کہ 2016ء میں بھی اسی رہائشی عمارت میں آگ لگنے کا واقعہ پیش آیا تھا۔