شکارپور میں دو گروپوں کے مابین تصادم،4 افراد جاں بحق

شکارپور: دو گروپوں کے درمیان مسلح تصادم کے نتیجے میں 4 افراد جاں بحق اور متعدد زخمی ہوگئے۔

پولیس کے مطابق واقعہ مدیجی تھانے کی حدود میں پیش آیا جہاں مویشی چوری کے تنازع پر ناریجا اور خروس برادری میں فائرنگ کا تبادلہ ہوا، 3 افراد موقع پر ہی جاں بحق ہوگئے، جب کہ متعدد افراد زخمی بھی ہوئے۔

پولیس حکام نے بتایا کہ زخمی افراد کو فوری طور پر مقامی اسپتال میں پہنچایا گیا جبکہ شدید زخمی ایک فرد کو سکھر منتقل کیا گیا جہاں وہ زخموں کا تاب نہ لاتے ہوئے چل بسا۔

حکام کے مطابق مسلح افراد اپنے اپنے علاقے میں مورچہ بند ہو گئے ہیں، جب کہ پولیس نے حالات کو کنٹرول میں لینے کے لئے علاقے میں چوکی قائم کر دی ہے۔

ریسکیو ذرائع کے مطابق جاں بحق افراد میں عارف،غفور ناریجو اور صالح ناریجو اور دیگر شامل ہیں۔