پرویز الٰہی کی پولیس حملہ کیس میں بھی در خواست ضمانت دائر

لاہور (امت نیوز) سابق وزیر اعلی ٰپنجاب پرویز الٰہی کے گھر پولیس ریڈ کے دوران مزاحمت اور پولیس پر حملہ کے مقدمہ میں سابق وزیر اعلی پرویز الٰہی نے بعد از گرفتاری درخواست ضمانت دائر کر دی ۔پرویز الٰہی کے وکیل عاصم چیمہ ایڈووکیٹ نے درخواست ضمانت دائر کی ۔

عدالت نے درخواست ضمانت پر پراسیکیوشن کو آج کیلئے نوٹس جاری کرتے ہوئے پولیس سے تفتیشی رپورٹ طلب کر لی۔انسداد د ہشت گردی عدالت کے جج اعجاز احمد بٹر نے سماعت کی۔ درخواست گزار کے وکیل نے عدالت کو بتایا کہ اس مقدمہ میں پرویز الٰہی کی عبوری ضمانت عدم پیشی پر خارج ہوئی تھی۔ دوسرے مقدمے میں گرفتار ہونے پر پیش نہیں ہو سکے تھے۔

غالب مارکیٹ پولیس نے پولیس پارٹی پر حملہ کرنے کا بے بنیاد الزام لگایا ۔شریک ملزمان کی بعد از گرفتاری درخواست ضمانت منظور ہو چکی ہے۔ پولیس نے سیاسی انتقام کا نشانہ بنانے کیلئے جھوٹا مقدمہ درج کیا، بعد از گرفتاری ضمانت منظور کی جائے۔