کراچی : نوزائیدہ بچوں کی لاشیں ملنے پر مقدمات درج کرنے کا حکم

کراچی(اسٹاف رپورٹر)انسپکٹر جنرل سندھ غلام نبی میمن نے سندھ پولیس کو نوزائیدہ بچوں کی لاشیں ملنے پرمقدمات درج کرنے کا حکم دیا ہے۔آئی جی سندھ کا کہنا ہے کہ کچرا کنڈیوں یا سنسان مقامات سے نوزائیدہ کی لاشیں ملتی ہیں، رفاہی اداروں کے تحت نوزائیدہ بچوں کی لاشیں سپرد خاک کردی جاتی ہیں۔

رفاہی اداروں کو پابند کیا جائے کہ لاش ملنے پر پولیس کو مطلع کیا جائے، نوزائیدہ بچوں کی لاشوں کو اسپتال منتقل کرکے قانونی کارروائی مکمل کی جائے۔متعلقہ اسپتال میں موجود میڈیکو لیگل آفیسر (ایم ایل او) لاش کا معائنہ کرے، نوزائیدہ بچوں کی لاشیں تدفین کے لیے رفاہی اداروں کو دیتے وقت بھی قانون کے مطابق کارروائی عمل میں لائی جائے۔