توشہ خانہ کیس, عمران خان کو کل صبح عدالت پیش ہونے کا حکم

چیئرمین تحریک انصاف کو توشہ خانہ کیس میں کل صبح عدالت پیش ہونے کا حکم دے دیا گیا۔

نجی ٹی وی کے مطابق تحائف سے وصول کی گئی رقم کو اثاثوں میں نہ دکھانے کے کیس میں پی ٹی آئی چیئرمین کو طلبی کا نوٹس جاری کر دیا گیا جس میں کہا گیا ہے کہ چیئرمین تحریک انصاف کل صبح ساڑھے 8 بجے پیش ہوں۔ بتایا گیا ہے کہ توشہ خانہ فوجداری کیس میں پیشی کا نوٹس ایڈیشنل ڈسٹرکٹ اینڈ سیشن جج کی جانب سے جاری کیا گیا۔

دوسری جانب چیئرمین تحریک انصاف کو پاک  فوج کے ہیڈکوارٹر، جی ایچ کیو  پر حملے کے کیس میں ملزم نامزد کرنے کا فیصلہ کر لیا گیا ہے، ان کو مذکورہ کیس میں پکڑے جانے والے ملزمان کے بیانات کے تحت ملزم نامزد کیا جائے گا۔