تورغرمیں جیپ کھائی میں جاگری،خاتون سمیت4جاں بحق

اوگی(نامہ نگار)تورغرمیں جیپ کھائی میں گرنے سے خاتون سمیت چارافرادجاں بحق جبکہ چھ شدیدزخمی ہوگئے۔حادثے میں گاڑی بھی تباہ ہوگئی۔مقامی افرادنے جاں بحق افرادکی نعشیں اور زخمیوں کو اسپتال منتقل کردیا۔

تفصیلات کے مطابق ضلع تورغرمیں شگئے سے گاؤں کالش جانے والی مسافرجیپ جس میں کراچی سے آنے والے مہمان سوارتھے،ایک خطرناک موڑپرڈرائیور سے بے قابوہوگئی اورگہری کھائی میں جاگری جسکے نتیجے میں اکبرزمان،جمال سید،ایک خاتون زوجہ سرتاج اورایک لڑکاجاں بحق ہوگئے جبکہ حادثے میں چھ افرادشدیدزخمی بھی ہوگئے۔

حادثہ کی اطلاع پرمقامی لوگ بڑی تعدادمیں پہنچ گئےاور اپنی مدد آپ نعشوں اور زخمیوں کو مقامی ہسپتال پہنچایاجہاں سے ابتدائی طبی امداد کے بعد زخمیوں و ایبٹ آباد اور بٹگرام کے اسپتالوں کو منتقل کردیا گیا۔تین زخمیوں کی حالت تشویشناک بتائی جارہی ہے۔