شانگلہ میں پہاڑی تودہ گرنے سے 8بچے جاں بحق،متعدد لاپتا

سوات (امت نیوز) شانگلہ میں کرکٹ کھیلتے بچوں پر پہاڑی تودے گرنے سے 8 بچے جاں بحق ہوگئے۔   اطلاعات کے مطابق مارتونگ میں کھیل میں مصروف بچوں پر پہاڑی تودہ گرگیا تھا۔

ریسکیو 1122 کے مطابق اطلاع ملتے ہی ریسکیو ٹیمیں موقع پر پہنچ گئیں اور امدادی کارروائیاں شروع کردیں، اور اب تک ملبے تلے سے 8 بچوں کی لاشیں نکالی جاچکی ہیں، جب کہ ایک بچہ زخمی حالت میں ملا ہے۔

ریسکیو حکام نے بتایا کہ مقامی ذرائع کا کہنا ہے کہ حادثے کے بعد سے اب تک متعدد بچے لاپتا ہیں، اور ممکنہ طور پر تمام بچے تودے تلے ہی پھنسے ہوئے ہیں۔

ریسکیو حکام کے مطابق ریسکیو 1122 کی تین ایمبولینسز، 22 اہلکار اور ایکسویٹر آپریشن میں مصروف ہیں، بچوں کی تلاش کے لیے سرچ آپریشن جاری ہے۔