واجبات کی عدم ادائیگی،علی امین گنڈا پور کے گھر کی بجلی کٹ گئی

پشاور: سابق وفاقی وزیر اور رہنما تحریک انصاف علی امین گنڈاپور کے گھر کی بجلی واجبات کی عدم ادائیگی پر کاٹ دی گئی۔

تفصیلات کے مطابق سابق وفاقی وزیر اور رہنما تحریک انصاف علی امین گنڈاپور پشاور الیکٹرک پاور کمپنی (پیسکو )کے نادہندہ نکلے، صدر پی ٹی آئی خیبرپختونخوا علی امین گنڈاپور دو سب ڈویژن کے تقریبا 12 لاکھ روپے کے نادہندہ تھے، پیسکو نے علی امین گنڈاپور کے گھر کی بجلی کاٹ دی۔

علی امین گنڈاپور کی رہائش گاہ پر کینٹ اور سٹی فیڈر کے دو کنکشن تھے، کینٹ فیڈر کے 4لاکھ 60 ہزار آج جمع کرا دیے تاہم بجلی تاحال بحال نہیں ہوئی۔