شہباز شریف کو ہرانے والے تحریک انصاف ایم این اے نے پارٹی چھوڑ دی

ڈیرہ غازی خان : 2018 کے الیکشن میں شہباز شریف کو ہرانے والے محمد خان لغاری نے پاکستان تحریک انصاف (پی ٹی آئی) چھوڑنے کا اعلان کردیا۔

سردار محمد خان لغاری 2018 کے الیکشن میں قومی اسمبلی کے حلقے این اے 192 ڈیرہ غازی خان سے منتخب ہوئے تھے، انہوں نے انتخابات میں 80522 ووٹ حاصل کیے تھے، جبکہ ان کے مقابلے میں مسلم لیگ (ن) کی طرف سے شہباز شریف نے 67608 ووٹ حاصل کیے۔

محمد خان لغاری کا کہنا ہے کہ 9 مئی کے پرتشدد واقعات کی وجہ سے پی ٹی آئی چھوڑنے کا فیصلہ کیا ہے۔