لاہور: اورنج لائن ٹرین کے پل سے چھلانگ لگا کر شہری کی خودکشی کی کوشش

لاہور:  چوبرجی چوک میں اورنج لائن ٹرین کے پل سے چھلانگ لگا کر شہری کی خودکشی کی کوشش،سٹی فورٹی ٹو نے واقعہ کی موبائل ویڈیو حاصل کر لی ۔ ریسکیو حکام کے مطابق واقعہ جمعہ کی شام پیش آیا، زخمی شخص کو طبی امداد کیلئے گنگارام اسپتال منتقل کر دیا گیا،مضروب کی شناخت 45 سالہ صغیر کے نام سے ہوئی ہے۔

ریسکیو حکام کا کہناتھا کہ متاثرہ شہری کی ایک ٹانگ اور بازو فریکچر ہوا ہے لیکن حالت خطرے سے باہر ہے،موبائل ویڈیو میں شہری کو پل سے چھلانگ لگاتے دیکھا جا سکتا ہے،عینی شاہدین کی کاوشوں کی بدولت شہری کی جان بچ گئی۔