راولپنڈی :اسٹریٹ کرائم کی وارداتوں میں ملوث دو گینگ کے 7 ملزمان گرفتار

راولپنڈی( اسٹاف رپورٹر ) نادرہ وین کو لوٹنے والے چٹا خان گینگ کے سرغنہ کو ساتھوں سمیت رابری اور اسٹریٹ کرائم کی وارداتوں میں ملوث دو گینگ کے سات ملزمان کو گرفتار کر لیا گیا۔  تفصیلات کےمطابق تھانہ صادق آباد اور پیرودھائی پولیس نے رابری اور اسٹریٹ کرائم کی وارداتوں میں ملوث 02گینگ کے 07ملزمان کو گرفتار کر کے ان کے قبضہ سے مسروقہ رقم 05لاکھ روپے، چھینے گئے پانچ عدد موبائل فون اور کیمرہ برآمد کر کے ملزمان سے وارداتوں میں استعمال ہونے 05 عدد پسٹلز برآمد کر لیے گئے ہیں ۔

صادق پولیس نے طوری گینگ کے 04ملزمان تیمور عرف طوری ،جواد،ذیشان،اور امیر  حمزہ سے 05 لاکھ روپے اور03پسٹل برآمد کر لیے ،پیرودھائی نےچٹا خان گینگ کے 03 ملزمان حسن عرف چٹا خان ،ہارون خان ،عبد الوہاب سے 05 موبائل فون ، ایک ڈی ایس ایل آر کیمرہ،05  عدد موبائل فون ،02 پسٹل اور زیر استعمال موٹرسائیکل برآمد کر لیا ۔

چٹا خان گینگ کے ملزمان نے چند دن قبل نادرہ کی رجسٹریشن وین سے  05  عدد موبائل فون ،کیمرہ وغیرہ چھینے تھے ، متعدد واردتوں کے انکشاف پر چٹا خان  گینگ کے ملزمان کو شناخت پریڈ کے لیے جیل منتقل کر دیا گیا ہے ، ایس پی راول فیصل سلیم نے ایس ڈی پی اوز،ایس ایچ اوزاور  پولیس ٹیموں کو شاباش دیتے ہوئے کہا کہ منظم اورمتحرک گینگز کی سر کوبی کے لیے تمام وسائل بروئے کار لائے جارہے ہیں،