20کلو آٹے کا تھیلا 300روپے تک مہنگا

اسلام آباد: ملک بھر میں ایک ہفتے میں 20کلو آٹے کا تھیلا 300روپے تک مہنگا ہو گیا

نجی ٹی وی کے مطابق ادارہ شماریات کا اپنی رپورٹ میں کہنا ہے کہ خضدار میں  ایک ہفتے میں  20کلو آٹے کا تھیلا 300روپے تک مہنگا ہوا، کراچی میں 20کلو آٹے کا تھیلا 3200روپے کا ہو گیا،ایک ہفتے میں کراچی میں 20کلو آٹے کا تھیلا 200روپے تک مہنگا ہوا،حیدرآباد میں 20کلو آٹے کا تھیلا 3040روپے تک ہے۔

رپورٹ کے مطابق اسلام آباد میں ایک ہفتے میں آٹے کا تھیلا 106.67روپے تک مہنگا ہوا،راولپنڈی میں آٹے کا تھیلا 133اور گوجرانوالہ میں 27روپے تک مہنگا ہوا، سیالکوٹ میں آٹے کا تھیلا 200اور لاہور میں 100روپے تک مہنگا ہوا۔