عالمگیر ترین کی موت کی وجہ سامنے آگئی

لاہور : استحکام پاکستان کے سربراہ جہانگیر ترین کے بھائی عالمگیر ترین کی پوسٹ مارٹم رپورٹ سامنے آگئی، رپورٹ کے مطابق ان کی موت زیادہ خون بہہ جانے کے باعث ہوئی،کنپٹی پر ایک گولی آرپار ہوئی،گولی دائیں جانب لگ کر بائیں جانب سے آر پار ہوئی۔ رپورٹ میں بتایا گیا کہ گولی لگنے سے دماغ کے ٹشو بری طرح متاثر ہوئے جبکہ جسم پر تشدد کے کوئی نشانات موجود نہیں۔

فرانزک ذرائع کا کہنا ہے کہ عالمگیر ترین کے گھر سے برآمد ہونے والی پستول پر انگلیوں کے نشانات عالمگیر ترین کے ہی ہیں جبکہ خودکشی سے قبل لکھی گئی تحریر بھی عالمگیر ترین کی ہے۔

رپورٹ میں عالمگیر خان کی موت  کا وقت آج صبح 10بجکر30منٹ پر بتایا گیا۔ خیال رہے کہ پی ایس ایل ٹیم ملتان سلطانز کے مالک عالمگیر ترین نے سر پر گولی مار کر خودکشی کرلی تھی۔