باجوڑ میں ریموٹ کنٹرول بم دھماکا،ڈرائیورسمیت 3 افراد زخمی

باجوڑ (نمائندہ امت ) باجوڑ کے تحصیل ماموند میں فیلڈر موٹر کار پر بارودی سرنگ کے دھماکے میں ڈرائیور الیاس سمیت، محمد ،طورسم، عبدالعزیز اور خان نامی شخص شدید زخمی ہوئیں جن کو علاج معالجے کیلئے ڈسٹرکٹ اسپتال خار منتقل کیا گیا جبکہ گاڑی مکمل طور پر تباہ ہوگئی ۔ دوسری طرف عوام نے تحصیل ماموند میں بڑھتے ہوئے قتل  کے واقعات پر شدید برہمی کا اظہار کرتے ہوئے محکمہ پولیس اور امن و امان قائم کرنے والے دیگر سیکیورٹی اداروں کے حکام سے مطالبہ کیا ہے کہ وہ تحصیل ماموند میں روزمرہ پیش آنے والے بد امنی کے واقعات کو کنٹرول کرنے میں کردار ادا کریں ۔
یاد رہے کہ پچھلے دن بھی اس علاقے میں نامعلوم افراد کی طرف سے کار پر فائرنگ کی گئی تھی جس میں علاقے کے قبائلی رہنماء ملک نجیب اللہ سمیت دو افراد جان بحق یو چکے ہیں ۔دوسری طرف ڈسٹرکٹ پولیس آفیسرنذیر خان کا کہنا ہے کہ علاقے کے نازک صورتحال کے پیش نظر سیکیورٹی کو چوکنا کیا گیا ہے اور علاقے میں پولیس سرگرمیوں کو بڑھایا گیا ہے۔