لوگ کرکٹ کو سپورٹ کرتے ہیں،اسکوائش کو نہیں، حمزہ خان

اسلام آباد : ورلڈ جونیئر اسکواش چیمپئن حمزہ خان نے کہا ہے کہ میں نے کافی محنت کی اور سوچا ہوا تھا کہ ریکارڈ بنانا ہے۔ایک انٹرویومیں گفتگو کرتے ہوئے حمزہ خان نے کہا کہ میری کوشش تھی کہ اس بار یہ ٹائٹل پاکستان کے لیے جیت کر لانا ہے۔حمزہ خان نے شکوہ کرتے ہوئے کہا کہ ہر کوئی کرکٹ کو سپورٹ کرتا ہے، اسکواش کو کوئی سپورٹ نہیں کرتا۔ انہوں نے کہا کہ پاکستان میں اسکواش کا بے پناہ ٹیلنٹ جس کو سپورٹ کی ضرورت ہے۔انہوں نے کہاکہ فیڈریشن صرف جونیئر لیول کی حد تک سپورٹ کرتا ہے، میری کوچنگ میرے والد صاحب نے کی۔