چین میں اسکول کی چھت گرنے سے 11 کھلاڑی ہلاک

پیکنگ : چین میں جونئیر ہائی اسکول میں جمنازیم کی چھت گرنے کے نتیجے میں 11 کھلاڑی چل بسے جبکہ 8 زخمی ہوگئے۔ تفصیلات کے مطابق افسوسناک واقعہ شمال مشرقی صوبے ہیلونگ جیانگ میں پیش آیا، جہاں والی بال ٹیم کے 19 افراد اسکول جمنازیم میں پریکٹس میں مصروف تھے۔

رپورٹ کے مطابق جم کے ساتھ نئی عمارت کی تعمیر جاری ہے۔ ممکنہ طور پر چھت پر تعمیراتی سامان کا ڈھیر لگا گیا جو حادثے کی وجہ بنا۔ پولیس نے کنسٹرکٹر آفیسر کو حراست میں لے لیا۔