پتوکی : تبلیغی ارکان مسجد کے اندر لٹ گئے

پتوکی :  تبلیغی ارکان مسجد کے اندر لٹ گئے سی سی ٹی وی فوٹیج میں ملزمان کے چہرے واضع نظر آتے دکھائی دئے تھانہ سٹی پتوکی پولیس تاحال نامعلوم چوروں کا کوئی سراغ نہ لگا سکی۔

تھانہ سٹی پتوکی سے چند قدم پر واقع فیصل کالونی خدیجہ مسجد میں تبلیغ کیلئے آئے تبلیغی جماعت کے ارکان آئے ہوئے تھے جو نماز فجر پڑھ کر سورہے تھے۔

گزشتہ دو روز قبل تین کس نامعلوم چورصبح ساڑھے سات بجے خدیجہ مسجد میں داخل ہوئے اوردونامعلوم چورمسجد کے اندر واش روم میں رک گئے۔

ایک نامعلوم چورحال کے اندر داخل ہوا اور اس نے سوئے ہوئے تبلیغی جماعت کے ارکان کے کپڑوں کی تلاشی لی اور دوران تلاشی ہزاروں روپے نقدی،موبائلز چوری کرلئے اور اپنے ساتھیوں کے ہمراہ فرار ہوگیا ۔

سی سی ٹی وی فوٹیج میں نامعلوم چوروں کے چہرے واضع نظر آتے دکھائی دیتے ہیں تھانہ سٹی پتوکی پولیس تاحال نامعلوم چوروں کا کوئی سراغ نہ لگا سکی۔