ایشز سیریز کا آخری ٹیسٹ دلچسپ مرحلے میں داخل

اوول (اُمت نیوز ) آسٹریلیا اور انگلینڈ کے درمیان جاری ایشز سیریز کے آخری ٹیسٹ کے چوتھے روز بارش کے باعث کھیل جلد روک دیا گیا۔
اوول میں کھیلے جانے والے ٹیسٹ میں آسٹریلیا نے 384 رنز کے ہدف کا تعاقب کرتے بغیر کسی نقصان کے 135 رنز بنا لیے ہیں۔
انگلش ٹیم اپنی دوسری اننگ میں 395 رنز بنا کر آل آؤٹ ہوگئی جبکہ آسٹریلیا کو 384 رنز کا ہدف دیا ، ہدف کے تعاقب میں آسٹریلوی اوپنرز نے پر اعتماد انداز اننگز کا آغاز کیا ۔
دونوں اوپنرز نے نصف سنچریاں سکور کرلی ہیں ، عثمان خواجہ 69 اور ڈیوڈ وارنر 58 رنز بنا کر کریز پر موجود ہیں ۔
آج آخری روز کینگروز کو جیت کے لیے 249 رنز کی ضرورت ہے جبکہ میزبان انگلینڈ کو 10 وکٹیں درکار ہیں۔