دبئی میں بے نظیر بھٹو کے مجسمے کی نقاب کشائی کی تقریب

دبئی(اُمت نیوز)پاکستان کے وزیر خارجہ بلاول بھٹو زرداری نے دبئی میں وزیر خارجہ مادام تساؤ میوزیم میں پہلی پاکستانی خاتون شخصیت بے نظیر بھٹو کے مجسمے کی نقاب کشائی کی تقریب میں بھی شرکت کی۔
بے نظیر بھٹو پہلی پاکستانی ہیں جن کا مومی مجسمہ مادام تساؤ میوزیم دبئی میں بنایا گیا ہے۔ وزیر خارجہ بلاول بھٹو زرداری متحدہ عرب امارات کے سرکاری دورے پر ہیں۔
اپنے دورے میں وہ متحدہ عرب امارات کے اپنے ہم منصب شیخ عبداللہ بن زاید آل نہیان سے ملاقات کریں گے اور دوطرفہ تعلقات کے تمام پہلوئوں پر تبادلہ خیا ل کریں گے۔
وزیر خارجہ عرب امارات کی قیادت سے صدر شیخ محمد بن زاید کے بھائی کی وفات پر تعزیت کریں گے۔ وزیر خارجہ کا یہ دورہ متحدہ عرب امارات کے ساتھ پاکستان کے بھرپور روابط اوردونوں ملکوں کے درمیان باہمی مفاد پر مبنی تعاون کا عکاس ہے۔