خرم شیرزمان تحریک انصاف کراچی کے صدرمقرر

کراچی: پاکستان تحریک انصاف چیئرمن عمران خان کی جانب سے سندھ اسمبلی میں پارلیمانی لیڈرخرم شیر زمان کو پی ٹی آئی کراچی کا صدرمقررکردیا گیا،اہم ذمہ داری سونپنے پرخرم شیرنے پی ٹی آئی چیئرمین عمران خان کا شکریہ ادا کرتے ہوئے پارٹی کے وژن اورنظریے کیساتھ اپنی غیرمتزلزل وفاداری کا عہد کیا اورکہا وہ کراچی میں تنظیم کو مضبوط بنانے اوراگلے عام انتخابات میں پی ٹی آئی کے تمام امیدواروں کی جیت کو یقینی بنانیکا عہد کرتے ہیں،قید کارکنوں اورنمائندوں کی رہائی اورکراچی کے لوگوں کیساتھ دوبارہ رابطہ قائم کرنا انکی اولین ترجیح ہوگی۔

انہوں نے مزید کہا کہ ملک کی بقاء کیلئے اسلامی اورترقی پسند فلاحی ریاست وقت کی ضرورت ہے،کراچی کے عوام سے اپیل ہے کہ وہ شہر اورپورے ملک کی بحالی میں اپنی حمایت،تعاون اورفعال شرکت یقینی بنائیں۔