ایلکس ہیلز نے انٹرنیشنل کرکٹ کو الوداع کہہ دیا

لندن (اُمت نیوز ) انگلش کرکٹ ٹیم کے کھلاڑی ایلکس ہیلز نے انٹرنیشنل کرکٹ سے ریٹائرمنٹ کا اعلان کردیا۔
ریٹائرمنٹ کا اعلان کرتے ہوئے ہیلز کا کہنا تھا کہ انٹرنیشنل کرکٹ سے ریٹائرمنٹ کا فیصلہ کر لیا ہے، تینوں فارمیٹ کے 156 میچوں میں ملک کی نمائندگی کرنا اعزاز کی بات ہے، دنیا بھر میں فرنچائز کرکٹ بدستور کھیلتا رہوں گا۔
انگلش کرکٹر نے مزید کہا کہ مجھے اس بات کی خوشی زیادہ ہے کہ انگلینڈ کےلئے میرا آخری میچ ورلڈکپ فائنل جیتنا تھا۔
یاد رہے کہ ہیلز نے کرکٹ لیگز کی خاطر انگلینڈ کرکٹ بورڈ کا سینٹرل کنٹریکٹ چھوڑنے کا فیصلہ کیا ، انہوں نے 11 ٹیسٹ، 70 ایک روزہ اور 75 ٹی ٹوئنٹی میچز میں انگلش ٹیم کی نمائندگی کی۔