رانا ثنااللہ اور ان کے اہلخانہ نے تحائف توشہ خانہ میں جمع کرادیئے

 

اسلام آباد(اُمت نیوز)وزیر داخلہ رانا ثنااللہ اوران کے اہلخانہ نے تحائف توشہ خانہ میں جمع کردیئے۔ رانا ثنا اللہ کودورہ عراق میں قیمتی تحائف ملے تھے۔
وفاقی وزیر داخلہ رانا ثنااللہ اور ان کے اہل خانہ نے ملنے والے تحائف توشہ خانہ میں جمع کرادیئے ہیں، جمع کرائے گئے تحائف میں پانچ قیمتی پستول اور ایک موبائل شامل ہے۔
واضح رہے کہ وزیرداخلہ رانا ثنااللہ کو دورہ عراق میں یہ قیمتی تحائف ملے تھے۔
اس حوالے سے وفاقی وزیر رانا ثنااللہ کا کہنا تھا کہ یہ تحائف عراقی وزیر داخلہ نے جذبہ خیر سگالی کے طور پر دیئے تھے، تحائف ملک و قوم کی امانت ہیں، جنہیں قومی خزانے میں جمع کرا دیا ہے۔