فائرنگ کرکے 3 بھتیجوں کوموت کے گھاٹ اتارنے والا دولہا گرفتار

شمالی وزیرستان(اُمت نیوز) شمالی وزیرستان کے تحصیل اسپین وام پولیس نے کارروائی کرتے ہوئے شادی میں فائرنگ کرکے تین بھتیجوں کوموت کے گھاٹ اتارنے والے دولہے کو گرفتار کرلیا۔
پولیس نے بتایا کہ گزشتہ شب دولہا اپنی دوسری شادی کی تقریب میں فائرنگ کر رہا تھا، جس کے نتیجے میں تین بچے جاں بحق جبکہ دو افراد زخمی ہوئے تھے۔
جاں بحق ہونے والے بچوں کی عمریں 14 اور 8 سال کے درمیان ہیں۔ واقعے کے بعد فائرنگ کرنے والا دولہا موقع سے فرار ہونے میں کامیاب ہوگیا تھا۔