سکردو انٹرنیشنل ائیرپورٹ پرطیاروں کی ری فیولینگ کی سہولت کا افتتاح

سکردو (اُمت نیوز) سکردو انٹرنیشنل ائیر پورٹ پر طیاروں کی ری فیولینگ کی سہولت کا افتتاح کر دیا گیا۔
میڈیا سے گفتگو کرتے ہوئے ڈائریکٹر جنرل سول ایوی ایشن اتھارٹی خاقان مرتضیٰ نے کہا کہ سکردو کو اوپن سکائی ڈکلیئرکر دیا ہے، دنیا کے کسی بھی ملک سے یہاں فلائٹس آسکتی ہیں۔
خاقان مرتضیٰ نے بتایا کہ 14 اگست کو دبئی سے پی آئی اے کی پہلی پرواز سکردو ائیرپورٹ پر لینڈ کرے گی، کوشش ہے دیگر ائیر لائنز بھی سکردو ائیر پورٹ پر آپریشن کا آغازکریں، سکردو ائیرپورٹ ایوی ایشن میں گیم چینجر ثابت ہو گا۔