مسافر بس الٹنے سے 2 افراد جاں بحق، 15 زخمی

نواب شاہ (اُمت نیوز)نواب شاہ میں مسافر بس الٹنے سے 2 افراد جاں بحق جبکہ 15 شدید زخمی ہوگئے۔
پولیس کے مطابق مسافر بس پنجاب سے کراچی جا رہی تھی کہ نواب شاہ کے کھڈر تھانے کی حدود میں حادثہ پیش آ گیا، ریسکیو ٹیموں نے موقع پر پہنچ کر امدادی سرگرمیوں میں حصہ لیا۔
پولیس کا کہنا ہے کہ زخمیوں کو پیپلز میڈیکل ہسپتال منتقل کر دیا گیا جہاں اُنہیں طبی امداد دی گئی، پولیس نے حادثے کی وجہ جاننے کیلئے قانونی کارروائی شروع کر دی۔