نگران حکو مت آتے ہی تبادلوں کاجکھڑ،شہباز دورکی ٹیم تبدیل

اسلام آباد :  نگران حکو مت آتے ہی وفاقی بیوروکریسی میں بڑے پیمانے پر تقرروتبادلوں کاجکھڑچل گیا۔ سابق وزیراعظم شہبازشریف کی ٹیم کوعہدوں سے ہٹادیاگیا، ڈاکٹر فخر عالم چیف سیکرٹری سندھ ،دائودمحمد چیف سیکرٹری آزادکشمیر،شکیل قادر چیف سیکرٹری بلوچستان مقرر کردیئے گئے ہیں جبکہ کئی وزارتوں کے سیکرٹریز بھی تبدیل کردیئے گئے ہیں۔ ایڈمنسٹریٹوسروس گروپ گریڈ22کے کامران علی افضل کوسیکرٹری کابینہ تعینات کردیاگیا،کامران علی افضل اس سے پہلے ڈی جی سول سروس اکیڈمی تعینات تھے،ساجدبلوچ کوسپیشل سیکرٹری کابینہ ڈویژن،عبداللہ سنبل خان ایڈیشنل سیکرٹری انچارج وزارت داخلہ، تعینات کردیاگیا۔

حسن ناصر جامی کوسیکرٹری آبی ذخائرسے ہٹاکرسیکرٹری انفارمیشن ٹیکنالوجی لگادیاگیا۔مومن آغاایڈیشنل سیکرٹری انچارج وزارت پٹرولیم،کیپٹن(ر)محمد محمودایڈیشنل سیکرٹری وزارت فوڈسکیورٹی،ڈاکٹرشہزادخان بنگش سیکرٹری ہائوسنگ ،سید آصف حیدرشاہ سیکرٹری موسمیاتی تبدیلی،پولیس سروس گریڈ22کے اے ڈی خواجہ کوکمانڈنٹ نیشنل پولیس اکیڈمی سے سیکرٹری انسانی حقوق،حمیرااحمد سیکرٹری قومی ورثہ و ثقافت،سید علی مرتضیٰ کوسیکرٹری وزارت آبی وسائل تعینات کردیاگیا۔

کیپٹن (ر)انوارالحق چیف کمشنراسلام آباد،علی رضابھٹہ سیکرٹری انسانی حقوق،سارہ سعید سیکرٹری کامرس،دائودمحمد چیف سیکرٹری آزادکشمیر،شکیل قادرخان چیف سیکرٹری بلوچستان،ڈاکٹرارم انجم خان سیکرٹری میری ٹائم افیئرز تعینات کردی گئیں۔ان لینڈ ریونیو سروس گریڈ 22 کی فارینہ مظہر کو سیکرٹری قومی ورثہ و ثقافت کے عہدے سے ہٹا دیا گیا اور اسٹیبلشمنٹ ڈویژن رپورٹ کرنے کی ہدایت کی گئی ہے ۔ اعزازاسلم ڈار،نویداحمد شیخ،مصدق احمد خان،نورالامین مینگل،ڈاکٹرسہیل راجپوت،محمد عثمان چاچڑ،عبدالغفران میمن کواسٹیبلشمنٹ ڈویژن رپورٹ کرنے کی ہدایت کردی گئی،اسٹیبلشمنٹ ڈویژن نے تقرروتبادلوں کے نوٹیفکیشن جاری کردیئے۔ چیف سیکرٹری سندھ ڈاکٹرسہیل راجپوت کی جگہ تعینات کئے گئے ڈاکٹر فخرعالم عرفان اس سےقبل وفاقی سیکرٹری ہا ئوسنگ اینڈورکس ڈویژن کےطورپرخدمات انجام دے رہے تھے۔چیف سیکرٹری بلوچستان عبدالعزیز عقیلی کی جگہ ایڈیشنل سیکرٹری پاورشکیل قادرخان کو چیف سیکرٹری بلوچستان تعینات کیاگیا ہے۔