سی ٹی ڈی کی بڑی کارروائی، 13 دہشت گرد گرفتار

اسلام آباد(اُمت نیوز)دہشت گردی کے خدشات کے پیش نظر سی ٹی ڈی کی بڑی کارروائی،آپریشن میں داعش کے 3 اہم کمانڈر سمیت ،13 دہشت گرد گرفتار کرلئے گئے۔
ترجمان سی ٹی ڈی کے مطابق گرفتار دہشت گرد خطرناک منصوبہ بندی کر رہے تھے،دہشت گردوں سے بارودی مواد،ڈیٹو نیٹر، بم، حفاظتی فیوز اور نقدی برآمد ہوئی۔ دہشت گردوں کی شناخت جلات خان،جنت خان،کشف رسول ,غلام رحمان،اسرار،نذیر،عبدالسلام،عامر،اسد،امیراورانور کے نام سے ہوئی،دہشت گردوں کے خلاف مقدمات درج کرکے تفتیش جاری ہے۔ رواں ہفتے339 کومبنگ آپریشنز کے دوران 34 مشتبہ افراد گرفتار کئے کومبنگ آپریشنز میں 4113 افراد سے پوچھ کچھ کی گئی۔
ترجمان سی ٹی ڈی کا کہنا تھا کہ دہشت گردی کے ناسور کو جڑ سے اکھاڑ پھینکنے کیلئے پرعزم ہیں۔