بھارت ، یاتریوں کی بس کھائی میں جاگری،7 افراد ہلاک

اتراکھنڈ:  بھارتی ریاست اتراکھنڈ یاتریوں کی بس کھائی میں جاگری،7 افراد ہلاک ہوگئے۔ اتراکھنڈ کے اترکاشی ضلع میں ایک حادثہ پیش آیا جہاں گجرات سے یاتریوں کو لے جانے والی ایک بس کھائی میں گرگئی جس کے نتیجے میں 7 افراد ہلاک ہوگئے جبکہ متعدد زخمی بھی ہوئے۔بس گنگوتری سے واپس آرہی تھی کہ گنگنی کے مقام پر حادثہ کا شکار ہوگئی، حادثے کے وقت کل 35 افراد سوار تھے۔

ریسکیو سروس کے مطابق ستائیس افراد کو بس کے ملبے تلے سے نکال کر علاج کے لیے قریبی اسپتال منتقل کیا گیا ہے۔اتراکھنڈ کے وزیر اعلیٰ پشکر سنگھ دھامی نے حادثے کے بارے میں اعلیٰ حکام سے بات کی اور ریسکیو کارروائیوں کو تیزی سے شروع کرنے کی ہدایات جاری کیں۔