فیض آباد انٹرچینج کے نیچے 2کاریں ٹکرا گئیں،2جاں بحق

اسلام آباد: فیض آباد انٹر چینج کے نیچے ایکسپریس وے پر ٹریفک حادثے میں دو افراد جاں بحق اور دو زخمی ہوگئے۔ حادثہ رات گئے پیش آیا جب ایکسپریس وے پر اسلام آباد سے جانے والی کار اور انٹرچینج کے لوپ سے ایکسپریس وے پر آنے والی کار آپس میں ٹکرا گئیں۔

عینی شاہدین کے مطابق حادثہ شدید نوعیت کا تھا، دونوں گاڑیاں پچک گئیں۔ پولیس کے مطابق حادثے میں دو افراد جاں بحق ہوگئے اور دو شدید زخمی ہیں جنہیں پمز ہسپتال منتقل کر دیا گیا۔ پولیس کے مطابق جاں بحق ہونے والے ایک شخص کا نام رانا محمد نقاش حسین ہے اور وہ گجرات کا رہنے والا ہے جبکہ دوسرے متوفی کی ابھی شناخت نہیں ہوسکی تھی۔