جنوبی وزیرستان: پاک فوج کے شہید 6 جوانوں کی نماز جنازہ ادا

راولپنڈی: جنوبی وزیرستان میں دہشت گردوں سے فائرنگ کے تبادلے میں شہید ہونے والے6 سپاہیوں کی نماز جنازہ ادا کردی گئی۔اس موقع پر کور کمانڈر پشاور سمیت دیگر سینئر افسران نے شرکت کی۔پاک فوج کے شعبہ تعلقات عامہ (آئی ایس پی آر) کے مطابق تمام شہدا ءکو ان کے آبائی علاقوں میں مکمل فوجی اعزاز کے ساتھ دفنا یا جائے گا۔آئی ایس پی آر کا کہنا ہے کہ پاکستان کی مسلح افواج دہشتگردی کے خاتمے کے لیے پُرعزم ہے اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔

واضح رہےجنوبی وزیرستان کے علاقے آسمان منزہ میں فورسز اور دہشتگردوں کے درمیان فائرنگ کاتبادلہ ہوا جس  میں 6 سپاہی شہید اور 4 دہشتگرد ہلاک ہوگئے۔