کراچی، کلاکوٹ سے بھارتی جاسوس گرفتار

کراچی میں تھانہ کلاکوٹ کی حدود سے بھارتی جاسوس پکڑا گیا جسے حساس اداروں نے تحویل میں لے لیا۔

نجی ٹی وی کے مطابق بھارتی جاسوس کے ساتھ ایک مقامی سہولت کار بھی موجود تھا، خفیہ اطلاع ملنے پر پولیس اور حساس ادارے نے فوری کارروائی کی اور دونوں کو حراست میں لے لیا۔دونوں ملزمان سے 2 بھارتی پاسپورٹ، ایک پستول اور 5 لاکھ ایرانی کرنسی برآمد کر لی گئی۔

بھارتی جاسوس کراچی میں اہم اور حساس عمارتوں کی جاسوسی کے مشن پر تھا، ملزم سے برآمد ہونے والی خفیہ دستاویزات میں نام اکھل دیو درج ہےجبکہ باپ کا نام مدھو سدھاناں جالیکھا  لکھا ہے۔

حساس اداروں نے بھارتی جاسوس کو تفتیش کیلیے نامعلوم مقام پر منتقل کر دیا، دشمن ملک کے اہلکار سے اہم انکشافات متوقع ہیں۔