سائفر گمشدگی معاملے کی تحقیقات کیلیے خصوصی پراسیکیوٹرز کی ٹیم تشکیل

اسلام آباد: چیئرمین پی تی آئی عمران خان کیخلاف سائفر گمشدگی معاملے کی تحقیقات کیلیے خصوصی پراسیکیوٹرز کی ٹیم تشکیل دیدی گئی۔

نجی ٹی وی کےمطابق وزارت قانون و انصاف نے وزارت داخلہ کی سمری کی منظوری دیدی، اسپیشل پراسیکیوٹرز کی ٹیم میں ایڈووکیٹ شاہ خاور، رضوان عباسی اور ذوالفقار نقوی شامل ہیں۔

بتایا گیا ہے کہ ایف ائی اے (وفاقی تحقیقاتی ادارے) نے خصوصی پراسیکیوٹرز کی ٹیم تشکیل دینے کی سفارش کی تھی۔ سائفر گمشدگی کے معاملے پر تحقیقات پر ایف آئی اے نے عمران خان کے خلاف مقدمہ درج کر رکھا ہے۔