شہداء رول ماڈل، سندھ پولیس کی کمانڈ قابل اعزاز، آئی جی

کراچی:  نئے آئی جی سندھ رفعت مختار نے پولیس کو عام انتخابات کیلئے محفوظ ماحول یقینی بنانے کی ہدایت کردی۔ ان کا پیغام اردو، سندھی اور انگریزی میں جاری کیا گیا، جس میں ان کا کہنا ہےکہ سندھ پولیس کی کمانڈ قابل فخر اعزاز ہے، شہداء رول ماڈ ل ہیں، ان کے اہلخانہ کی فلاح و بہبود ہماری ذمہ داری ہے۔ آئی جی سندھ کا کہنا تھا کہ سندھ پولیس موثر انداز میں جرائم، دہشت گردی کے خلاف سرگرم عمل ہے، آئندہ یا مستقبل میں درپیش چیلنجز سے نمٹنے میں سندھ پولیس کی ترجیحات ہوں گی، خواہش ہے ملکر آگے بڑھیں، مجموعی اہداف کو کامیاب بنائیں۔